Acto di entiero Barbara Suprin

ULTIMO MOMENTO: PA MOTIBO IMPREVISTO E FECHA A CAMBIA PA DIAMARS 22 DI DECEMBER 2015.

Acto di entiero pa Barbara lo tuma lugar diamars 22 di december 2015.2015 Suprin, Barbara

Pa 1.00 pm e restonan di Barabara lo ta na scol pa un ceremonia di despedida.

Nos ta spera nos alumnonan bisti cu nan uniform, acompaña pa nan mayornan pa 12.30 pm na scol.

Cualkier contribucion di mayor na famia di Barbara ta altamente aprecia.

Cu Barbara sosega den brasa di Señor.

Anuncio

Cu hopi tristesa nos ta informa mayornan di fayesemento di alumna di klas 4A, Barbara Suprin.

Despues cu ayera mainta el’a bira malo na scol el’a wordo transporta cu urgencia pa Centro Medico y Horacio Oduber Hospital unda cu el’a wordo interna den cuido intensivo.
Ayera tardi nos a wordo informa cu Papa Dios a tum’e den su reino.

Dia y ora di su entiero no ta conoci ainda.

Como cu awe ta ultimo dia di scol nos kier encurasha mayornan pa keda pendiente di e fecha di su entiero por medio di anuncio den prensa.

Alaves nos ta pidi mayornan pa acudi na e entiero hunto cu boso yiu.
Studiantenan lo por duna diferente reaccionnan despues di fayesemento di un alumno di scol.
Cualkier reaccion ta normal den e proceso di rouw y por expresa su mes den rabia of yoramento.
Nos ta encurasha mayornan pa papia esaki tambe abiertamente cu boso yiu su reaccion y sentimento riba e morto repentino aki.

Trahado social di SKOA a atende cu nos maestronan y studiantenan awe mainta, nos a tene un momento special bow di afdak y tambe nos a hisa bandera halfstok.

Na januari 2016 nos lo sigui brinda asistencia na alumnonan di scol tanten cu esaki ta necesario.

File_001File_000File_002

File_004

Obra di arte “Nos Escudo” traha pa nos alumnonan.

Alumnonan di klas 1-2-3 a traha riba un obra di arte bow guia di Juf. Maroeschka. Esaki den cuadro di e celebracion di 60 aña di e escudo di Aruba.
Diabierna dia 20 di november a tuma luga e apertura di Exposicion di e Celebracion di 60 aña di un di nos simbolonan nacional “Nos Escudo” di e scolnan basico cu ta tumando luga den Academy of Fine Arts and Designs Aruba (Ex – Rietveld Academie).

E ta e resultado di un proyecto organisa pa Departamento di Cultura Aruba (DCA) bou auspicio di Ministerio di Cultura. E Exposicion aki di un competencia escolar cu a habri for di 20 november ultimo y lo keda habri te cu 30 di november 2015 venidero. Durante siman lo e Expo ta habri for di 09:00 pa 16:30 y den weekend for di 10:00 pa 15:00 na Academy of Fine Arts and Designs Aruba, riba Ooststraat nr. 2  na Oranjestad.

Departamento di Cultura Aruba ta invita henter e pueblo di Aruba y scolnan en particular pa bin bishita e exposicion y wak e obranan den e forma con e alumnonan di e scolnan a expresa nan mes cu e conocimento di Nos Escudo, y apoya nos alumnonan participante di diferente scolnan basico riba Aruba. Entrada ta gratis.

No keda sin vota pa e premio popular cu lo ta escogi cu e conteo di e votonan publico. Pa cu e premio di e competencia escolar, tin prome y di dos premio pa categoria A di klas 1 pa 3 y pa categoria B di klas 4 pa 6, esaki nan lo ser escogi via hurado. E entrega di premionan lo tuma luga durante di e clausura di e exposicion riba dia 30 di november venidero.

sps escudo.jpg 8 sps escudo sps escudo.jpg 1