Bishita di Bus di Salud.

Ayera y awe nos tabata tin bishita di Bus di Salud unda cu nos alumnonan a haya un splicacion amplio di kiko ta sosode riba e bus di salud y con nos por biba un bida mas saludabel.

Masha danki na Juf. Dionne, Iraida Thijzen y tur e funccionarionan den servicio di Bus di Salud.

11294453_10153971746238146_527941508_o

Sera conoci cu e logo nobo di St. Paulus School.

Pa e celebracion di 50 aña di St. Paulus School a busca ayudo di un professional pa hasi nos logo di scol mas moderno. A busca ayudo di Sr. Armando Goedgedrag, diseñador y pintor local.

Segun informacion cu nos a haya di entre otro e cabesantenan y maestronan anterior e logo a wordo diseña hopi aña pasa door di un combinacion di diferente diseño cu a wordo hasi door di alumnonan di scol mes.

Cu e renobacion di e logo di St. Paulus School a boga pa keda cu mayoria di e simbolonan cu tabata tin den e logo bieuw. Esakinan ta: e solo, e rayonan di solo, e caminda, e edificio, e parhanan y e matanan di coco.

E simbolonan a haya nan lugar bek den e logo nobo den un forma artistico:

Pa color a scohe tres color cu ta casi igual na e colornan di e bandera di Aruba.
Stpaulus_logo_1

Talitha y Michella ta clasifica pa e final di Voz-i-Landia 2015

Ayera a tuma lugar e pre-final di Voz-i-Landia Escolar 2015.
St. Paulus School a wordo representa pa Talitha den categoria A y Michella den categoria B.
Ambos a logra clasifica pa e final cu ta tuma lugar diadomingo 21 di juni 2015. Pabien muchanan.
Pronto lo tin caarchi na benta na scol.

Danki Seever Krozendijk pa permiti nos usa bo bunita portretnan.

11235070_862073247218856_5117918105755849740_o

11259174_862081997217981_1414988847283215605_o

 

Prome Santa Comunion 2015

Awe mainta e muchanan di St. Paulus School a ricibi Hesus pa prome biaha den nan curason.
Pabien na tur e muchanan y nan mayornan.

Danki na Juf. Judy y Juf. Marcia pa e tremendo trabow den preparacion di e dia aki. Danki na Juf. Maroeschka pa traha e belanan y Juf. Liesje cu a hinka e buki den otro.
Danki na tur otro maestro cu a duna un man den e preparacion.

Danki na pastoor y su ayudantenan pa e bunita Santo Sacrificio di Misa.

Danki na e koor y e musiconan cu a acompana nos awe bow guia di Men. Eltienne y Juf. Vivienne.

IMG-20150516-WA0001